ပီရူးနိုင်ငံသို့ သာသနာခရီးတို သွားနေစဥ်အတွင်း၊ လူငယ်တစ်ယောက်သည် ကျွန်မကို ငွေတောင်းခဲ့သည်။ လုံခြုံရေးအကြောင်းပြချက်များကြောင့် ငွေကြေး တောင်းခံပါက မပေးရန် ကျွန်မတို့အဖွဲ့အား ညွှန်ကြားထား ပေရာ၊ ကျွန်မ သူ့အား မည်သို့ ကူညီနိုင်မည်နည်း။ သည့်နောက် တမန်တော်ဝတ္ထု ၃ မှ ခြေမသန်သူ တစ်ဦးအား တမန်တော်ပေတရုနှင့် ယောဟန်တို့ မည်သို့တုံ့ပြန်ခဲ့သည်ကို သတိရပြီး၊ သူ့အား ငွေမပေးနိုင်ကြောင်း၊ သို့သော် ဘုရားသခင်၏ချစ်ခြင်းမေတ္တာသတင်းကောင်းကို သူ့အား ဝေမျှနိုင်ကြောင်း ရှင်းပြခဲ့သည်။ သူက မိဘမဲ့ ဟု ပြောစဥ် ဘုရားသခင်သည် သူ၏ဖခင်ဖြစ်လိုကြောင်း သူ့အား ပြောပြရာ သူမျက်ရည်ကျခဲ့သည်။ ထို့နောက် သူ့အား နောက်ဆက်တွဲပျိုးထောင်ရန် ကျွန်မတို့ကို ဖိတ်ခေါ်သည့် အိမ်ရှင်အသင်းတော်မှလူတစ်ဦးနှင့် သူ့ကို ဆက်သွယ် ပေးခဲ့သည်။
တစ်ခါတစ်ရံ ကျွန်မတို့၏စကားလုံးများသည် မလုံလောက်ကြောင်း ခံစားရသည်။ သို့သော် သခင်ယေရှုအကြောင်း အခြားသူများနှင့် ဝေမျှစဥ်…
သူမ၏ကင်ဆာရောဂါအကြောင်း အွန်လိုင်းပေါ်တင်သော မိတ်ဆွေ စာရေးဆရာမတစ်ဦးအတွက် ကျွန်မဆုတောင်းပေးနေပါသည်။ သူမ၏ရုပ်ပိုင်းဆိုင်ရာ နာကျင်မှုများနှင့် စိန်ခေါ်မှုများအကြောင်း ဝေမျှခြင်း၊ ဆုတောင်းချက်များနှင့်အတူ ကျမ်းချက်နှင့် ဘုရားအား ချီးမွမ်းခြင်းတို့ကို ဝေမျှခြင်းစသည်ဖြင့် တစ်လှည့်စီ တင်သည်။ သူမသည် ကုသမှုအတွက် ဆေးရုံ၌ စောင့်နေရသည်ဖြစ်စေ၊ ဆံပင်များကျွတ်၍ အိမ်၌ ခေါင်းပေါင်းထားရသည်ဖြစ်စေ၊ သူမ၏ရဲဝင့်သောအပြုံးကို မြင်ရသည်မှာ လှပပါ သည်။ စိန်ခေါ်မှုတစ်ခုစီ၌ စစ်ကြောမှုများအတွင်း အခြားသူများကို ဘုရားသခင်အား ယုံကြည်ကိုးစားဖို့ တိုက်တွန်းရန် သူမ ဘယ်သောအခါမှ မပျက်ကွက်ပါ။
အခက်အခဲများ ကျွန်မတို့ကျော်လွှားနေရစဉ် ဘုရားသခင်အား ကျေးဇူးတင်ရန်နှင့် ချီးမွမ်းရန် အကြောင်းရင်းကို ရှာတွေ့ရန် ခက်ခဲနိုင်ပါသည်။ သို့သော် ကျွန်မတို့၏ အခြေအနေများ မည်သို့ပင်ရှိလင့်ကစား ဆာလံ ၁၀၀ က ဝမ်းမြောက်ရန်နှင့် ဘုရားအားချီးမွမ်းရန် အကြောင်းရင်းများ ပေးထားပါသည်။ “ထာဝရဘုရားသည် ဘုရားသခင်ဖြစ်တော်မူသည်ဟု သိမှတ်ကြလော့။ ထာဝရဘုရားသည် ငါတို့ကို…
အမေရိကတိုက်အလယ်ပိုင်းနှင့် တောင်အမေရိကတိုက်ကို ဆက်သွယ်ထားသည့် လက်တင် အမေရိက ဒေသမှ နှစ်သက်ဖွယ်၊ အလုပ်ကြိုးစားသော မိဘနှစ်ဦး၏ သမီးအနေနှင့်၊ ကျွန်မ၏မိဘများသည် ပိုမိုကောင်းမွန်သောအခွင့်အလမ်းများအတွက် သူတို့မိသားစုများအနက် အမေရိကန်ပြည်ထောင်စုသို့ ပထမဦးဆုံး ပြောင်းလာသူများဖြစ်သောကြောင့် ကျွန်မ ကျေးဇူးတင်မိသည်။ သူတို့သည် နယူးယောက်မြို့၌ လူငယ်များအဖြစ် တွေ့ဆုံကာ လက်ထပ်ခဲ့ကြပြီး ကျွန်မတို့ညီအစ်မကို မွေးဖွားခဲ့သည်။ ဆက်လက်၍လည်း သူတို့၏လုပ်ငန်းအသီးသီးကို ဦးစီးခဲ့ကြသည်။
နယူးယောက်မြို့၌ မွေးဖွားသူဖြစ်သည့်အလျောက် ကျွန်မသည် ကျွန်မ၏ လက်တင်အမေရိကမျိုးနွယ် အမွေအနှစ်ကို လက်ခံဂုဏ်ယူလျက် ကြီးပြင်းလာပြီး ကွဲပြားသောနောက်ခံများရှိသူများကို သဘောကျတတ်လာခဲ့သည်။ Broadway (ဘရော့ဝေး) ပြဇာတ်ရုံဟောင်းတစ်ခုတွင် စည်းဝေးကြသော လူမျိုးပေါင်းစုံအသင်းတော်တစ်ခု၏ ညပိုင်းဝတ်ပြုစည်းဝေး၌ ကျွန်မ၏ယုံကြည်ခြင်းကို တစ်ခါက ဝေငှခဲ့ဖူးသည်။ လူမျိုးပေါင်းစုံသည့် လူစုအား ဘုရားသခင်၏မေတ္တာအကြောင်း ပြောခြင်းက တိုင်းနိုင်ငံအသီးသီးမှ လူမျိုးနွယ်အပေါင်းတို့ ခရစ်တော်၏ခန္ဓာကိုယ်အဖြစ် စုဝေးကြခြင်းကို မြင်ရသည့်အခါ ရှိနေမည့် ကောင်းကင်ဘုံ၏အရိပ်အမြွက်ကို မြင်ရခြင်းသာ ဖြစ်ပါသည်။…
အမေရိကန်နိုင်ငံ၊ မစ္စစ္စပီပြည်နယ်မှ မိုးလေဝသပညာရှင်တစ်ဦးသည် ၂၀၂၃ ခုနှစ် မတ်လ ၂၄ ရက်နေ့၌ ထုတ်လွှင့်သည့် မိုးလေဝသခန့်မှန်းချက်၌ ရိုးရှင်းသော်လည်း ထိရောက်သည့် စကားတိုလေးကို ပြောခဲ့သဖြင့် နာမည်ကြီးသွားခဲ့သည်။ Matt Laubhan (မက်လောင်ဘန်)သည် အင်အားပြင်းထန်သည့် မုန်တိုင်းတစ်ခုကို ခြေရာခံနေစဥ် အင်မရီမြို့ (Amory) ပေါ်သို့ ပြင်းထန်သည့် လေဆင်နှာမောင်း တည့်တည့်ဝင်ရောက်မည်ကို သိရှိခဲ့၍ ရုပ်မြင်သံကြား တိုက်ရိုက်လွှင့်နေစဥ် သူသည် ခဏရပ်ကာ “သခင်ယေရှု၊ သူတို့အား ကူညီမစတော်မူပါ။ အာမင်” ဟု တစ်ကမ္ဘာလုံး ကြားခဲ့သည့် ဆုတောင်းချက်ကို မြွက်ဆိုခဲ့သည်။ အကာအကွယ်အတွက် နေရာရှာရန် ထိုဆုတောင်းချက်က သူတို့ကို နှိုးဆော်ခဲ့ကြောင်း ရုပ်မြင်သံကြား ကြည့်ရှုသူအချို့က ပြန်ပြောပြသည်။ သူ၏သဘာဝကျသော၊ ရင်ထဲမှလာသည့် ဆုတောင်းချက်က အသက်ပေါင်းများစွာကို ကယ်တင်ကောင်း ကယ်တင်နိုင်ခဲ့လိမ့်မည်။
ကျွန်ုပ်တို့၏ ဆုတောင်းချက်များသည်လည်း ခြားနားမှုကို ဖြစ်ပေါ်စေနိုင်ပါ သည်။…
၂၀၂၃ ခုနှစ် ဇွန်လတွင် ကိုလံဘီယာနိုင်ငံ၊ အမေဇုံတောနက်ထဲ ပျောက်ဆုံးသွားခဲ့သော အသက် (၁) နှစ်မှ (၁၃) နှစ်အတွင်းရှိ မောင်နှမလေးဦးအား ပြန်လည်ရှာတွေ့ခဲ့၍ ကမ္ဘာက တအံ့တဩဖြစ်ခဲ့ကြသည်။ လေယာဥ်ပျက်ကျမှုကြောင့် မိခင်သေဆုံးခဲ့ပြီး၊ သူတို့မှာ ရက်ပေါင်း (၄၀) တောနက်အတွင်း ရှင်သန်ကျန်ရစ်ခဲ့ကြသည်။ ကြမ်းတမ်းသော တောတောင်မြေအနေအထားနှင့် အကျွမ်းဝင်သော ထိုကလေးများသည် သားရိုင်းတိရစ္ဆာန်များ၏ရန်မှ ကာကွယ်ရန် သစ်ပင်ကြီးများ၏ပင်စည်များ၌ ပုန်းအောင်းကာ စမ်းချောင်းများမှ ရေနှင့်မိုးရေကို ပုလင်းများဖြင့် စုဆောင်းခဲ့သည်။ အပျက်အစီးကြားမှရှာတွေ့သော ပလောပီနံမှုန့်များကို စားသုံးခဲ့ကြသည်။ မည်သည့်သစ်သီးသစ်စေ့များကို အန္တရာယ်မရှိ စားသုံးနိုင်ကြောင်း သူတို့သိသည်။
ဘုရားသခင်သည် ထိုမောင်နှမများကို ဆက်လက် အသက်ရှင်ခွင့်ပေးခဲ့သည်။
သူတို့၏အံ့ဖွယ်အဖြစ်အပျက်က ထွက်မြောက်ရာကျမ်း၊ တောလည်ရာကျမ်း နှင့် သမ္မာကျမ်းစာ၏အချို့နေရာများတွင် မှတ်တမ်းတင်ထားသော၊ နှစ်ပေါင်း (၄၀) တိုင် ကန္တာရအတွင်း ဣသရေလလူမျိုးများကို ဘုရားသခင်သည် အံ့ဩဖွယ် အသက်ရှင်သန်ခွင့် ပေးခဲ့သည့်အကြောင်း…
လွန်ခဲ့သောနှစ်အနည်းငယ်က ကျွန်မ၏ဖခင်နှင့်အတူ သူချစ်သော အီကွေဒေါနိုင်ငံသို့ အလည်သွားစဥ်က သူကြီးပြင်းလာခဲ့သည့် မိသားစုယာတောသို့ ကျွန်မတို့သွား ရောက်လည်ပတ်ခဲ့ရာ၊ ထူးဆန်းသည့် သစ်ပင်တစ်စုကို ကျွန်မသတိထားမိခဲ့သည်။ အဖေငယ်ငယ်က စနောက်ချင်စိတ်ဝင်ပြီး လူကြီးများလုပ်သကဲ့သို့ သစ်သီးပင် တစ်ပင်မှ လွှင့်ပစ်ထားသည့်အကိုင်းကိုယူပြီး အရာပေးလှီးဖြတ်ထားသည့် အခြားသစ်သီးပင်၏ပင်စည်၌ ချည်ကာ ကိုင်းကူးကိုင်းဆက်လုပ်ခဲ့သည်ဟု အဖေက ရှင်းပြခဲ့သည်။ သူ၏နောက်ပြောင်မှုကို သတိမပြုမိဘဲ နောက်ဆုံး အပင်၌ မျှော်လင့်ထားသည်ထက် အသီးနှစ်မျိုး သီးလာမှ သူ့လက်ချက်မှန်းသိခဲ့ကြသည်။
အဖေပြောပြသည့် ကိုင်းဆက်ကူးခြင်းလုပ်ငန်းစဥ်ကို ဆင်ခြင်ရင်း ကျွန်မတို့အတွက် ဘုရားသခင်၏မိသားစုအတွင်းသို့ ပေါင်းစည်းခြင်း၏အဓိပ္ပာယ်ကို ကျွန်မပုံဖော်စိတ်ကူးကြည့်မိသည်။ ကွယ်လွန်သွားပြီဖြစ်သော အဖေသည် သခင်ယေရှုကို ယုံကြည်ခြင်းဖြင့် ဘုရားသခင်၏မိသားစုနှင့် ချိတ်ဆက်မှုရှိခြင်းကြောင့် ကောင်းကင်ဘုံ၌ ရှိနေမည်ကို ကျွန်မသိပါသည်။
ကျွန်မတို့လည်း နောက်ဆုံးတွင် ကောင်းကင်ဘုံ၌ရှိနေနိုင်ရန် အာမခံချက်ရရှိနိုင်သည်။ တမန်တော်ရှင်ပေါလုက ရောမမြို့ရှိ ယုံကြည်သူများအား ဘုရားရှင်သည် တစ်ပါးအမျိုးသား (သို့) ဂျူးလူမျိုးမဟုတ်သူများကို ကိုယ်တော်နှင့်…
ကယ်တင်ခြင်းရရှိပြီး ကျွန်မ၏အသက်တာကို ဘုရားအတွက် ဆက်ကပ်ခဲ့ပြီးနောက်နှစ်အနည်းငယ်အကြာ၌ သတင်းသမားအလုပ်ကို စွန့်လွှတ်ရန် ဘုရားလမ်းညွှန်နေကြောင်း ကျွန်မခံစားမိသည်။ ကလောင်တံကိုချပြီး စာရေးခြင်းကို ရပ်တန့်ထားချိန်၌ ဘုရားသခင်သည် တစ်နေ့တွင် သူ၏ဘုန်းတော်အတွက် စာရေးရန် ကျွန်မကို စေခိုင်းမည်ဟုခံစားခဲ့ရသည်။ အလုပ်မရှိဘဲ မိမိကိုယ်တိုင်၏ကန္တာရထဲ လည်နေရချိန်တွင် ထွက်မြောက်ရာကျမ်း ၄ ရှိ မောရှေနှင့်သူ၏လှံတံအကြောင်းအားဖြင့် ခွန်အားပေးခံခဲ့ရသည်။
ဖာရောဘုရင်၏နန်းတော်တွင် ပျိုးထောင်ခံခဲ့ရပြီး အလားအလာကောင်းသည့်အနာဂတ်ရှိသည့် မောရှေသည်အီဂျစ်မှထွက်ပြေးပြီး ဘုရားသခင် သူ့အားခေါ်ချိန်၌ မထင်မရှားသောအရပ်တွင် သိုးထိန်းအဖြစ်နေထိုင်နေသည်။ ဘုရားကို ပေးရန် သူ၌ ဘာမျှမရှိဟု သူထင်ခဲ့မိလိမ့်မည်။ သို့သော် ဘုရား၏ဘုန်းတော်အတွက် မည်သူ့ကိုမဆိုနှင့် ဘယ်အရာကိုမဆို ဘုရားအသုံးပြုနိုင်ကြောင်း မောရှေသင်ယူခဲ့ရသည်။
“သင်၏လက်၌ အဘယ်အရာရှိသနည်း”ဟု ဘုရားသခင် မေးခဲ့ရာ၊ “လှံတံ”ဟုမောရှေပြန်ဖြေခဲ့သည်။ “မြေပေါ်မှာ ပစ်ချလော့”ဟု (ထွ ၄:၂-၃) ဘုရားသခင် မိန့်တော်မူရာ မောရှေ၏သာမန်လှံတံသည် မြွေဖြစ်သွားခဲ့သည်။ မြွေကိုကိုင်လိုက်သည့်အခါ ဘုရားသခင်က မြွေမှလှံတံ…
အမေရိကန်နိုင်ငံ၊ တက္ကဆက်ပြည်နယ်မှ အဖွားနှစ်ဦးသည် အသက် (၈၁) နှစ်အရွယ်တွင် ရက်ပေါင်း (၈၀) အတွင်း ကမ္ဘာပတ်ခရီး အောင်မြင်ခဲ့သည့်အတွက် မကြာသေးမီက မီဒီယာပေါ်တွင် ဟိုးလေးတကျော် ဖြစ်ခဲ့သည်။ (၂၃) နှစ်ကြာ အခင်ဆုံး ရင်းနှီးခဲ့ကြသော ကမ္ဘာပတ် သူငယ်ချင်းနှစ်ဦးသည် ကမ္ဘာ့တိုက်ကြီး (၇) တိုက်လုံးကို လည် ပတ်ခဲ့ကြသည်။ သူတို့သည် အန္တာတိကတွင် ခရီးစခဲ့ပြီး အာဂျင်တီးနားတွင် တန်ဂိုအက ကခဲ့ကြသည်။ အီဂျစ်တွင် ကုလားအုတ်စီးကာ မြောက်ဝင်ရိုးစွန်းတွင် စွတ်ဖား စီးခဲ့ကြသည်။ ဇမ်ဘီယာ၊ အိန္ဒိယ၊ နီပေါ၊ ဘာလီ၊ ဂျပန်နှင့် ရောမ အပါအဝင် နိုင်ငံပေါင်း (၁၈) နိုင်ငံ လည်ပတ်ခဲ့ပြီး သြစတြေးလျတွင် ၎င်းတို့၏ ခရီးစဉ်ကို အဆုံးသတ်ခဲ့သည်။ အသက်အရွယ်မရွေး ကမ္ဘာလှည့်ခရီးသွားခြင်းကို ပျော်ရွှင်စွာပြုနိုင်ရန် အနာဂတ်မျိုးဆက်သစ်များကို လှုံ့ဆော်ပေးရန် မျှော်လင့်ကြောင်း သူတို့ပြောခဲ့သည်။
ထွက်မြောက်ရာကျမ်းတွင် တစ်သက်မှာ…
ကျွန်မ၏ပထမဆုံး ရေတိုသာသနာပြုခရီးစဉ်မှာ ဘရာဇီးနိုင်ငံ အမေဇုန်တော ရှိ မြစ်ကမ်းနား၌ ဘုရားကျောင်း တည်ဆောက်ရာတွင် ကူညီရန်ဖြစ်သည်။ မွန်းလွဲပိုင်းတစ်ခု၌ ထိုဒေသရှိ ရေစစ်ကိရိယာရှိသည့် အိမ်အနည်းစုမှ တစ်အိမ်သို့ ကျွန်မတို့ သွားရောက်ခဲ့သည်။ အိမ်ရှင်က နောက်နေသောတွင်းရေကို ဆန်းပြားစွာတီထွင်ထားသောရေစစ်ကိရိယာထဲ လောင်းထည့်လိုက်ရာ၊ မိနစ်ပိုင်းအတွင်း အညစ်အကြေးအားလုံးကို ဖယ်ရှားပြီး သန့်ရှင်းကြည်လင်သွားကာ သောက်ရေသန့် ထွက်ပေါ်လာသည်။ ထိုနေရာ၊ ထိုလူ၏ဧည့်ခန်းထဲ၌၊ ခရစ်တော်အားဖြင့် စင်ကြယ်စေခြင်း၏အဓိပ္ပာယ်ကိုထင်ဟပ်နေကြောင်း တွေ့ခဲ့ရပါသည်။
မိမိ၏အပြစ်နှင့် အရှက်တရားဖြင့် သခင်ယေရှုထံ ဦးဆုံးလာခဲ့စဉ် ကျွန်မတို့အား ခွင့်လွှတ်ရန် တောင်းလျှောက်လျက်၊ ကိုယ်တော်အား မိမိတို့၏ကယ်တင်ရှင် အဖြစ် လက်ခံယုံကြည်သောအခါ၊ ကိုယ်တော်သည် အပြစ်များကို စင်ကြယ်စေပြီး ကျွန်မတို့အား အသစ်ဖြစ်စေပါသည်။ ညစ်ပတ်နေသောရေကို သန့်ရှင်းသောသောက်ရေအဖြစ်သို့ ပြောင်းလဲစေသကဲ့သို့ ကျွန်မတို့ကို သန့်ရှင်းစင်ကြယ်စေ သည်။ သခင်ယေရှု၏ကိုယ်ကျိုးစွန့်လွှတ်ပူဇော်မှုကြောင့် ကျွန်မတို့သည် ဘုရားသခင့်ရှေ့တော်၌ ဖြောင့်မတ်သူဖြစ်လျက် (၂ ကော ၅:၂၁)၊ အရှေ့မျက်နှာစွန်းနှင့် အနောက်မျက်နှာစွန်း…
အီသီယိုးပီးယားသို့ ရေတိုသာသနာ့ခရီးစဉ်အတွင်း ကျွန်မတို့အဖွဲ့သည် ဒေသခံ သာသနာပြုအဖွဲ့မှ အဖွဲ့တစ်ဖွဲ့ကို အဖော်ပြုလျက်၊ အခက်အခဲများကြုံပြီး အမှိုက် ပုံဝင်းအတွင်း တဲထိုးနေထိုင်နေသော လူငယ်အုပ်စုတစ်စုထံသို့ အရောက်သွားခဲ့သည်။ သူတို့နှင့်ဆုံရခြင်းက ကျေနပ်ဝမ်းမြောက်ဖွယ်ကောင်းလှ၏။ ကျွန်မတို့ အချင်းချင်း သက်သေခံလျက်၊ အားပေးစကားပြောကာ အတူဆုတောင်းခဲ့ကြသည်။ ထိုညနေခင်း၏ ကျွန်မအနှစ်သက်ဆုံးအချိန်မှာ ဒေသခံအဖွဲ့၏ အဖွဲ့ဝင်တစ်ဦးက သူ၏ဂီတာကို တီးကာ၊မိတ်ဆွေသစ်များနှင့်အတူ ကျွန်မတို့လရောင်အောက် ဝတ်ပြုကိုးကွယ်ခဲ့သောအချိန်ပင်ဖြစ်သည်။ မည်မျှပင် အလေးအမြတ်ထားအပ်သော အခိုက်အတန့်နည်း။ သူတို့၏အခြေအနေမှာစိုးရိမ်ဖွယ်ဖြစ်လည်း သခင်ယေရှု၌သာ တွေ့နိုင်သည့် မျှော်လင့်ခြင်းနှင့် ဝမ်းမြောက်ခြင်းသည် သူတို့၌တည်ရှိသည်။
တမန်တော်ဝတ္ထု ၁၆ တွင်၊ ကြိုတင်စီစဉ်ထားခြင်းမရှိဘဲ ရုတ်တရက် ချီးမွမ်း သီဆိုသည့်အခြားအချိန်တစ်ခုအကြောင်း ဖတ်ရှုရသည်။ ၎င်းသည် ဖိလိပ္ပိမြို့တော်အတွင်းရှိ အကျဉ်းထောင်၌ ဖြစ်ပွားခဲ့သည်။ သခင်ယေရှု၏အမှုတော်ကို ထမ်းရွက်စဉ် ပေါလုနှင့် သိလတို့သည် ဖမ်းဆီးခံရပြီး၊ ရိုက်နှက်၊ ကြိမ်ဒဏ်ခံရကာ ထောင်တွင်း အကျဉ်းချခံရသည်။ မျှော်လင့်ချက်မဲ့၊ စိတ်ပျက်၍ အရှုံးပေးရမည့်အစား…